Биз менен байланышыңыз

Ташкентте белгисиз затка ууланып, беш студент көз жумду

Дүйнө , Кыска кабар | 28 Фев 2021 | 461 | 0

Ташкент шаарында билим алып жаткан беш студент белгисиз затка ууланып каза болду. Бул тууралуу Өзбекстандын Башкы прокуратурасынын басма сөз кызматы билдирди.

Маалымтка ылайык, кечээ 27-февралда саат 20.50дө Ташкенттин Юнусабад районундагы жеке үйлөрдүн биринде Өзбекстандын борборундагы үч башка университеттин беш студентинин сөөгү табылды.

«Соттук-медициналык экспертизанын алдын ала корутундусуна ылайык, студенттердин өлүмүнө белгисиз зат менен курч уулануусу себеп болду», — деп айтылат Башкы прокуратуранын Телеграм каналындагы билдирүүсүндө.

Министрликтин маалыматына ылайык, Ташкент шаарынын Юнусабад районунун прокуратурасы студенттердин өлүмү боюнча Өзбекстандын Кылмыш-жаза кодексинин «өрт коопсуздугунун эрежелерин бузуу, натыйжада бир нече адамдын өлүмүнө алып келген» беренеси боюнча кылмыш ишин козгогон.

Учурда кылмыш иши Башкы прокуратуранын көзөмөлүнө алынып, тергөө иштери журүп жатат.

Copyright © 2017 Maral FM