Биз менен байланышыңыз

Дүйнөдөгү эң кары адам — британиялык Роберт Уэйтон каза болду

Дүйнө , Кыска кабар | 29 мая 2020 | 735 | 0

Улуу Британияда дүйнөдөгү эң кары адам Роберт Уэйтон көз жумду. Ушул жылдын март айында эле ал өзүнүн 112 жашын белгилеген.

Уэйтондун каза болгону тууралуу анын үй-бүлөсү кабарлаганын Би-Би-Си жазды.

Ушул жылдын февраль айында япониялык Титэцу Ватанабе (112 жаш) каза болгондон кийин британиялык Роберт Уэйтон «эң узак жашаган адам» деп табылган.

Маалыматтарга караганда, Роберт Уэйтон 1908-жылы 29-мартта Чыгыш Йоркширдеги Халл шаарында төрөлгөн. Рак оорусунан улам 28-майдын таңында көз жумган.

Ал өмүр жолунда инженер болуп эмгектенип, Тайвань, Япония жана Канада өлкөлөрүндө узак мөөнөттүү командировкаларда болгон.

Би-Би-Си интервьюсунда Уэйтон узак жашоонун сырын “өлбөс үчүн тырышуу” деп түшүндүргөн.

Анын артында 2 уулу, 10 небереси жана 25 чебереси калды.

Copyright © 2017 Maral FM