Былтыр чек арага жакын аймактарды өнүктүрүүгө 349,3 млн сом бөлүндү

Былтыр чек арага жакын аймактарды өнүктүрүүгө жалпы республикалык бюджеттен 349,3 млн сом бөлүндү. Анын ичинен Баткен облусуна 314,2 млн сом каралды. Бул тууралуу премьер-министр Мухаммедкалый Абылгазиев 13-майда Жогорку Кеңештин отурумунда билдирди.

Анын айтымында, мамлекеттик программанын алкагында 2019-жылы Иш-чаралар планын аткарууга 137,4 млн сом пландаштырылып, 23 иш-чараны аткарууга 129,3 млн сом каржыланды:

• Кулунду – Арка авто жолунун 2 чакырым жолуна асфальт салынды.
• Көк-Таш – Ак-Сай авто жолунун 7 чакырым жолуна асфальт төшөлдү (50 млн с).
• Ак-Сай – Рават авто жолунун 25 чакырымы жасалды (30 млн).
• Ак-Сай – Тамдык тоонун үстүнөн Ворухту айланып өткөн автожолдун 12  чакырымы жасалды (70 млн сом). Долбоор жалпы 24,5 чакырым.
• ирригация жаатында Ак-Сайда 200 га жаңы жерге суу чыгаруу иштери жүрүп жатат – 2019-ж. 50 млн сом берилди.
• Ак-Турпак айыл аймагынын Ак-Турпак айылында суу жээктерин бекемдөө иштери жүргүзүлдү.
• 10 социалдык объекттердин курулуш иштери жүргүзүлдү: 4 бала бакча, 4 ФАП, 1 спорт  зал.

Чек арага жакын айылдардын мектеп бүтүрүүчүлөрү үчүн окуу жайларында 165 гранттык орун бөлүндү.

Программанын алкагында кыргыз-өзбек мамлекеттик чек ара участокторуна 23 км тикенектүү зым тартылды.