Ухань 76 күндөн соң изоляциядан чыкты

SARS-CoV-2 коронавирус эпидемиясынын очогу болгон Кытайдын 11 миллиондук Ухань шаары 76 күндөн кийинки карантинден кийин ачылды. Изоляция алынып салынгандан кийин бери дегенде эле 65 миң адам шаардан чыгып кетти. Бул тууралуу АР агенттиги билдирди. Жогорудагы адамдар поезд жана учактарга билет алышкан. Ошол эле учурда автоунаа жолдору да ачылды. Анткен менен шаар бийлиги вирустун жугуусунун кайталанышы мүмкүн деп тургундарды шаардан зарыл учурларда гана чыгууга чакырды.