Япониялык Diamond Princess лайнериндеги кыргызстандык ооруканадан чыкты

Япониялык Diamond Princess круиздик лайнериндеги Кыргызстандын жараны 14 күндүк карантинден соң ооруканадан чыгарылды. Бул тууралуу Саламаттыкты сактоо министрлиги бүгүн, 23-мартта кабарлады.

Анын коронавируска карата кайра тапшырган анализи жакшы чыккан.

Кыргызстандын жараны 9-мартта мекенине келип, анализ тапшырып, обсервацияга алынган. Ал 14 күн карантинде болгон.

Министрликтин маалыматына ылайык, 15-февралда Япониянын Токио шаарындагы аскер госпиталына жаткырылып, 29-февралга чейин дарыгерлердин көзөмөлүндө болгон.