Алматыда учак кырсыгынан каза болгондордун саны 14кө жетти

Алматыдагы учак кырсыгынан каза болгондордун саны 14кө жетти. Бул тууралуу шаардын акими билдирди.

Андан сырткары, 35 жабырлануучу ооруканага жеткирилген, алардын 17синин абалы оор.

Эске салсак, бүгүн, 27-декабрда таңкы саат 7.22де Алматы – Нурсултан багытындагы Казакстандын Bek Air авиакомпаниясынын учагы Алматы аэропортунун алысыраак жерге кулап түшкөн. Учактын бортунда жалпы 100 адам, 95 жүргүнчү жана экипаждын 5 кызматкери болгон.