Жаза аткаруу кызматынын конвойдогу аскери токко урунуп каза болду

Жазаларды аткаруу мамлекеттик кызматынын күзөт жана конвои департаметинин катардагы аскер кызматкери каза болду.

Бул тууралуу аталган мамлекеттик кызматынан кабарлашты.

Кечээ, 4-ноябрда №3 түзөтүү жайында 4-батальондун катардагы аскери Р.Б. электр тогунан жапа чегип жаракат алган. Дарыгерлер көрсөткөн медициналык жардамга карабастан ал каза болгон.

22 жаштагы Жалал-Абад облусунун тургуну Р.Б. 2018-жылы аскерге чакырылган.

Окуя боюнча соттук-медициналык экспертиза дайындалды.