Кытай Тажикстандагы жолду оңдоого 357 млн. доллар бөлөт

Кытай бийлиги бул ирет Тажикстанга 357 миллион доллардан ашык суммадагы грант бөлөт. Бул каражат Дүйшөмбү-Көлмө сыяктуу шаарлардагы унаа жолдорун жаңылоодо колдонулат.

Бүгүн, 30-октябрда Тажикстандын төмөнкү палатасы Кытай тараптан кайтарымсыз жардам катары 357 миллион доллардан ашык (2,5 млрд. юань) каражат берүүчү келишимге кол койду.

Белгилей кетсек, Тажикстандын тышкы карызынын 60% Кытайга таандык. Анын айынан өлкө алтын кенди башкарууну толугу менен кытайлыктарга өткөрүп берген.