Иракта коменданттык саат токтоду

Бүгүн, 5-октябрь таңкы саат 5тен тарта Ирактын премьер-министри, Ирак Куралдуу күчтөрүнүн башкы командачысы Адель Абдул Махди өлкөгө киргизилген коменданттык саатты алып салды. Бул тууралуу жергиликтүү «Al-Sumaria» телеканалы маалымдаганын «REGNUM» маалымат агенттиги жазды.

Телеканал: «Куралдуу күчтөрдүн башкы командачысы бүгүн таңкы 5тен тарта тыюу салууларды токтотуу боюнча буйрук берди«, — деген.

Ошол эле учурда, кайсы шаар же кайсы провициянын коменданттык сааты алынып салынганын так айткан эмес.

_________________________________________________________________________________________________________________________________

Ирак бийлиги коменданттык саат кийирди

__________________________________________________________________________________________________________________________________

Белгилей кетсек, 1-октябрда Ирак мамлекетинин борбору Багдад шаарында бийликтен жашоо шартын жакшыртуу, калктын саламаттыгына, билимге, эмгек жаатына байланыштуу көйгөйлөрдү чечүү жана жемкордук менен күрөшүүнү талап кылышып, бир нече адам нааразычылык акциясына чыгышкан. Бул нааразылык толкуну башка аймактарга да тарап, массалык башаламандыкты жараткан. Өлкөнүн куралдуу күчтөрү митингге чыккандарды күч менен таратууга аргасыз болуп, анын натыйжасында 65 адам каза таап, 2 миңден ашык адам ар кандай жаракат алган. Мындан улам Ирак бийлиги 3-октябрдан тарта өлкөгө коменданттык саат киргизип, тартипти катуу көзөмөлгө алган.

________________________________________________________________________________________________________________________________