Жаш жигит Чоң Чүй каналына түшүп кетип каза болду

Кечээ, 2-октябрда 2000-жылы туулган А. Э. аттуу жигит Чоң Чүй каналына түшүп кетип каза болду. Бул тууралуу Өзгөчө кырдаалдар министрлигинин маалымат кызматы билдирди.

Окуя Бишкек шаарындагы Алматы көчөсү тарапта болгон. Куткаруу кызматы жигиттин сөөгүн саат 13:02де табышкан.

Табылган сөөк иликтөө иштерин жүргүзүү үчүн ИИМдин кызматкерлерине өткөрүлүп берилди.