Биз менен байланышыңыз

Путинге кат жазган эки аял Ак үй алдына нааразычылык акцияга чыгышты

Кыска кабар | 11 Сен 2019 | 79 | 0

Путинге арыз кат жазган эки аял Бишкектеги Ак үйдүн алдына нааразычылык акцияга чыгышты. Алар президент Сооронбай Жээнбековго жолугууну суранып, Кыргыз-Кыштак айыл өкмөтүнүн башчысын кызматтан алууну талап кылып жатышат. Айыл өкмөт башчысын жер тилкелерди туура эмес бөлүштүргөн деп айыпташууда.

Оштун Кара-Суу районунун тургундары — Орозкан Токторалиева менен Гүлнара Мырзакаримова «Өз жеринде өгөйлөнгөн энелер өлүмгө да даяр!», — деген жазууларды жана бензин куюлган бөтөлкө көтөрүп алышкан. Эгер талаптары аткарылбаса, өзүлөрүн өрттөөгө да даяр экенин билдиришүүдө.

Нааразы болгон эки тургунду Президенттик Аппараттын өкүлдөрү коомдук кабылдамага чакырышканы айтылууда.

Copyright © 2017 Maral FM