Атамбаевди кармоо операциясы: Жаракат алган атайын бөлүктүн аскери каза болду

Атамбаевди кармоо боюнча атайын операцияда жаракат алган атайын бөлүктүн аскери каза болду. Травматология жана ортопедия илим-изилдөө борборунун директору Сабырбек Жумабековдун айтымында, ага ок тийген. «Ок жүрөгүн тешип кетиптир. Каза болуп калды», — деген Жумабеков дагы бир аскерге операция жасалганын кошумчалады.

Саламаттыкты сактоо министрлиги үй тараптан атылган аскердик ок чопкуттан өтүп, анын көкүрөгүн жаралаганын кабарлады. Андан тышкары, дагы 25 адам ооруканага жатты. Аларга желим ок тийген жана башка ар кандай жараат алышкан. Министрлик буга чейин жабыркагандардын саны 23кө жеткенин, анын экөөсү атайын кызматтын жоокери экени айтылган.

Ушул тапта Кой-Ташта 10 «Тез жардам» бригадасы иштеп жатат.

УКМК мурдагы Алмазбек Атамбаевди кармоо боюнча операцияда атайын багыттагы аскерлер тарабынан желим октор колдонулганын, тескерисинче, Атамбаевчилер тарабынан согуштук куралдан ок атылып жатканын айтып билдирүү тараткан болчу.