Министр менен Элчи кыргыз-индус кызматташтыгын талкуулады

Өлкөнүн тышкы иштер министри Чыңгыз Айдарбеков кечээ Индиянын Кыргыз Республикасындагы Атайын жана Ыйгарым укуктуу Элчиси Алок Амитабх Димри менен жолукту. Бул тууралуу министрликтин маалыматтык департаментинен кабарлады.

Жолугушууда Индиянын премьер-министри Нарендра Модинин Кыргызстанга боло турган расмий сапарын даярдоо маселелери талкууга алынды.

Талкууда расмий сапардын мазмундуу бөлүгүнө, ошондой эле, кыргыз-индус бизнес-форумун жана текстиль менен кол өнөрчүлүк буюмдарынын көргөзмөсүн өткөрүүгө өзгөчө басым жасалды.