Абылгазиев Өзбекстандын премьер-министрин туулган күнү менен куттуктады

Премьер-министр Мухаммедкалый Абылгазиев Өзбекстандын премьер-министри Абдулла Ариповду туулган күнү менен куттуктады. Бул тууралуу Өкмөттүк Аппараттын маалымат кызматы билдирди.

Мухаммедкалый Абылгазиев Абдулла Ариповго бекем ден соолук жана мамлекеттик ишмердүүлүгүнө ийгиликтерди каалады.

Өкмөт башчылар ошондой эле, кыргыз-өзбек кызматташтыгынын актуалдуу маселелерин жана өлкөлөр ортосунда мындан ары карай өз ара аракеттешүү келечегин талкуулашты.