Майлуу-Суунун тургуну үйүндөгү өрттөн каза болду

Жалал-Абад облусунун Майлуу-Суу шаарынын тургуну үйү менен кошо өрттө калып каза болду.

Бул кабарды Өзгөчө кырдаалдар министрлигинин маалымат кызматы кабарлады. Кечээ турак жай өрттөнүп, анын кесепетинен 70 жаштагы үй ээси да кошо өрттөнүп каза тапкан.

Маалыматка ылайык, кырсыктан 50 чарчы метрлик үй толугу менен күлгө айланган.

Тийиштүү мекеме кызматкерлери өрттүн келип чыгуу себебин аныктап жатышат.