КТРКнын башкы директорлугуна сынактын кийинки этабы уланат

Бүгүн, 28-февраль күнү Коомдук телерадиоберүү корпорациясынын Байкоочу Кеңеши каналдын башкы директорлук кызматына талапкерлер менен кезектеги аңгемелешүү сынагын өткөрөт.

Бул кызмат орунга талапкер болгон 22 кишинен үчөө документтери толук болбогондуктан сынакка катышуу укугунан ажыратылган.

10 талапкер «диний уюмга жана саясий партияга мүчө эмесмин» деген кепилдик каты жок экени айтылып, үч күн аралыгында ошондой кат алып келүүгө милдеттендирилген болчу.

Бүгүн аңгемелешүү сынагы өтөт.