Кыргызстандын абактарында 360 чет өлкөлүк бар

Кыргызстандагы абактарда 360 чет өлкөлүк өз жазасын өтөп жатат. Бул тууралуу Ички иштер министринин орун басары Курсан Асанов 13-февралда парламентте айтты.

Анын айтымында азыркы тапта абактарда өз мөөнөттөрү өтөгөн соң аларды өлкөдөн чыгаруу жөнүндөгү мыйзам долбоору даярдалып жатат.

Буга чейин мындай норма болгон эмес. Ошондуктан алардын саны, өлкөдөн чыкканары дагы белгисиз болуп келген.

Эми мыйзам долбоору ишке кирсе, абактагы чет өлкөлүктөр тууралуу так маалымат токтолот.