Өрттөн аял жана эки жаш бала каза болду

Аламүдүн районундагы Таш-Дөбө айылынын Октябрь көчөсүндө жайгашкан кампа менен гараждан өрт чыккан. Өрттүн кесепетинен 34 жаштагы А.М.Д., аттуу аял, 2 жана 10 жаштагы эки жаш бала каза болгон. Бул тууралуу Өзгөчө кырдаалдар министрлиги билдирди.

Маалыматка ылайык, окуя 12-февралда 15-00дө болгон. Учурда каза болгон аял балдардын энеси экендиги такталууда.

Тилсиз жоонун кесепетинен жыгач устундуу пластик жабылган жалпы аянты 100 чарчы метр кампанын жана гараждын чатыры күйүп кеткен.

Маалыматка ылайык, учурда өрттүн келип чыгуу себеби жана материалдык чыгым такталууда.