Кыргызстанда коронавируска каршы дээрлик 110 миң адам эмделди
Кыргызстанда COVID-19га каршы вакцинаны 109 миң 703 адам алды. Бул тууралуу Саламаттыкты сактоо жана социалдык өнүктүрүү министрлигинен билдиришти.
Маалыматка ылайык, алардын ичинен 77 миң 390 адам вакцинанын экинчи дозасын сайдырды.
Ал эми акыркы бир суткада 4 миң 64 киши эмделсе, 860ы экинчи ирет эмдөөдөн өттү.
Эскерте кетсек, 29-мартта өлкөдө Кытайдан келген SinoPfarm вакцинасы менен эмдөөнүн алгачкы этабы башталган. Кытай вакцинасын эки этап менен алуу каралган. Биринчилерден болуп Саламаттыкты сактоо жана социалдык өнүктүрүү министри Алымкадыр Бейшеналиев эмделген.
Андан соң 22-апрелде Кыргызстанга Орусияда өндүрүлгөн «Спутник V» вакцинасынын 20 миң дозасы келген. Аны алгачкылардан болуп Кыргыз Республикасынын Баатыры, эмгек сиңирген дарыгери, хирург Мамбет Мамакеев алган.
Кошумчалай кетсек, Кыргызстанга Sinopharm вакцинасынын 150 миң дозасы июль айынын ортолорунда келери күтүлүүдө.
Эртең Бишкекте белгилүү хирург Мамбет Мамакеев акыркы сапарга узатылат
УКМК төрагасына кол салууга шектелген жаран кармалды
Мобилдик тиркеме аркылуу акча которууда комиссия алуу убактылуу токтотулду
Токтогул суу сактагычында 12,8 млрд куб метр суу бар
Президент Жапаров Австрияга расмий сапары менен барды
Президент Акылбек Жапаровго жана бир катар министрлерге сөгүш жарыялады
Бишкек абасы булганган алдыңкы беш шаардын катарына кирди
Тогуз айда финансы секторундагы ишканалардын кирешеси 115 млрд сомдон ашты
Ноокаттын Көк-Жар айылында алты милиция пара алууга шек саналып кармалды
