Бишкектин 6-кичи районунда ири өрт чыкты

Сухэ-Батор жана Юнусалиев көчөлөрүнүн кесилишинде жайгашкан наабайканалардын биринде өрт чыккан. Бул маалыматты Өзгөчө кырдаалдар министрлигинин маалымат катчысы Элмира Шерипова ырастады.

Анын айтымында, саат 15:48дер чамасында өрттү өчүрүү үчүн атайын топ жөнөтүлгөн. Жалпы 6 бөлүм тартылган.

— Азырынча өрт өчүрүлгөндүгү тууралуу маалымат келе элек,- дейт Шерипова.

Ошондой эле, жабыркагандар туураалуу маалымат жок.