Министр Айдарбеков Түркияга барды

Бүгүн, 6-майда Тышкы иштер министри Чыңгыз Айдарбековдун Түркия Республикасына расмий сапары башталды.

Бул тууралуу министрликтин Маалыматтык Департаментинен билдирди.

Министр Түркиянын тышкы иштер министри Мевлют Чавушоглунун чакыруусу боюнча барды.

Иш сапардын алкагында, министр Айдарбеков өлкө жетекчилиги менен эки тараптуу жолугушууларды өткөрөт жана Түркиядагы диаспора өкүлдөрү, мекендештер менен жолугат.