2018-жылдын 1-июлунан тарта ай сайын төлөнүүчү социалдык жөлөкпулдун өлчөмү 33 %га жогорулатылган. Бул тууралуу Эмгек жана социалдык өнүгүү министрлигинин маалымат кызматы билди.
Маалыматка ылайык, майып балдарга жөлөкпул берүү төмөнкү тартипте белгиленген:
ВИЧ/СПИДге чалдыккан энеден төрөлгөн балдарга 3000 сомдон 4000 сомго чейин;
I топтогу тубаса майып балдарга 3000 сомдон 4000 сомго чейин;
II топтогу тубаса майып балдарга 2500 сомдон 3300 сомго чейин;
III топтогу тубаса майып балдарга 2000 сомдон 2700 сомго чейин;
Кошумчалай кетсек, бүгүнкү күндө өлкөдө 186 миңден ашуун ар кандай топтогу майып бар. Мунун 30 миңге жакыны — жаш бала.