Айдарбеков Шанхай уюмунун Башкы катчысы менен жолукту

Кечээ, 20-февралда Министр Чыңгыз Айдарбеков Шанхай кызматташтык уюмунун Башкы катчысы Владимир Норов менен жолукту. Бул тууралуу Тышкы иштер министирлигинин маалымат кызматынан кабарлашты.

Жолугушууда 2019-жылдын 14-15-июнунда Бишкекте өтүүчү Шанхай саммитин жогорку деңгээлде уюштуруу жана даярдануу боюнча сүйлөшүлдү.

Ошондой эле Шанхай кызматташтыгынын алкагында мындан ары экономикалык кызматташтыкты өнүктүрүү боюнча пикир алмашылды.