Бишкектин Жукеев-Пудовкин көчөсүнүн бир бөлүгү жабылат

25-июлдан тарта Бишкектеги Жукеев-Пудовкин көчөсүнүн Кулатовдон Лев Толстойго чейинки бөлүгү убактылуу жабылат. Бул тууралуу шаар мэриясынан кабарлашты.

Маалыматка караганда, Жукеев-Пудовкин көчөсүнүн боюндагы магистралдык жылуулук тармагын реконструкциялоо иштери жүргүзүлөт.

Жаңылоо иштери Бишкек шаарынын Транспорт жана жол инфраструктурасын өнүктүрүү башкармалыгынын буйругунун негизинде жүрүп жатат.

Реконструкциялоо иштери 2022-жылдын 1-октябрына чейин жүргүзүлөт.