Быйыл мамлекеттин эсебинен 103 айылда таза суу чыгат

Быйыл республикалык бюджеттен 103 айылга суу чыгаруу үчүн акча бөлүндү. Бул тууралуу Суу департаментинин өкүлү Шамшиддин Халов «Маралдын» эфиринде билдирди.

103 айылдын көпчүлүгүнүн долбоорлук-сметалык иш кагаздары даярдалды, 86 обьектиде курулуш жүргүзүлүүдө.

«Көпчүлүгүндө курулуш башталып, бирок бүгүнкү күндө убактылуу токтоп турат. Алардын да долбоорлук-сметалык иш кагаздарын толук даярдап, курулуш иштерин баштайбыз», — деди ал.

Андан тышкары Өнүктүрүү жана инвестиция агенттиги (АРИС) 95 айылга суу киргизүүнү каржылап берет.