Биз менен байланышыңыз

Кыргызстанга Казакстандан 247 вагон көмүр келет

Кыска кабар | 26 Ноя 2021 | 629 | 0

Экономика жана каржы министрлигинин алдындагы Монополияны жөнгө салуу мамлекеттик агенттиги Казакстандын «Шабыркүл» кенинен көмүр жеткирүүнү көбөйтүү жөнүндө макулдашты.

Агенттик кабарлагандай, жакын арада 247 вагон көмүр келет. Импортер отундун тоннасын 4 миң 600 сомдон кымбат сатпоого милдеттеме алды.

«Шабыркүл» көмүрү Бишкек шаарында жана Чүй облусундагы Шопоков, Кайыңды, Токмок жана Канттагы базаларда сатылат.

Улуттук статистика комитетинин маалыматына караганда, Кыргызстанда 18-ноябрга карата көмүрдүн орточо баасы тоннасына 5 миң 706 сомду түзүп, бир айда 10,1% кымбаттады. Баа былтыркыга салыштырмалуу дээрлик 20% өстү.

15-ноябрда президент Садыр Жапаров Бишкекте көмүр 3 миң сомдон сатыларын билдирген. 16-ноябрда борбор калаада Кара-Кече кенинен ташылган көмүрдүн бир тоннасы 3 миң сомдон сатыла баштап, кардарлар көбөйгөндүктөн, кошумча кампа ачылган.

Copyright © 2017 Maral FM