Үгүттөө мезгилинде кимдер үгүт жүргүзө албайт? (тизме)

Кыргызстанда 28-ноябрда аралаш система менен парламенттик шайлоо өтөт. Жаңы шайлоо мыйзамына ылайык, парламентте 90 депутат болуп, алардын 54ү партиялык тизме менен, 36сы бир мандаттуу округдан шайланат. Үгүт иштери 29-октябрдан башталып, 27-ноябрь эртең мененки саат 08:00гө чейин уланат. Үгүттөө мезгилинде төмөнкүдөй кызматты ээлеген адамдар үгүттөө иштерин жүргүзүүгө, шайлоо боюнча ар кандай материалдарды чыгарып, аларды таратууга тыюу салынат.

Мамлекеттик жарандык жана муниципалдык кызматчылар;
Жогорку Кеңештин депутаттарынан сырткары мамлекеттик саясий кызматтарда убактылуу иштеген тараптар;
Жергиликтүү кеңештердин депутаттарынан сырткары мамлекеттик жана саясий муниципалдык атайын кызматтарда убактылуу иштегендер;
Шайлоо комиссиясынын мүчөлөрү;
Байкоочулар;
Эл аралык байкоочулар;
Диний ишмерлер;
Кайрымдуулук иштери менен алектенген уюмдардын негиздөөчүлөрү, мүчөлөрү;
18 жашка толо элек жарандар;
Чет өлкөлүк жарандар жана уюмдар;
Жарандыгы жок адамдар;
Аймактык коомдук өзүн-өзү башкаруулардын кызматкерлери;