Билим берүү министри Болотбек Купешевдин өмүр баяны

5-майда Болотбек Купешев Билим берүү жана илим министри болуп дайындалды. Ошол эле күнү Билим берүү жана илим министри Алмазбек Бейшеналиев кызматтан алынды.

Болотбек Купешев 1959-жылдын 25-октябрында Ысык-Көл облусунун Ак-Суу районуна караштуу Соколовка айылында туулган.

Билими: жогорку, 1986-жылы Кыргыз мамлекеттик университетин бүтүргөн, адистиги: орус тили жана адабияты мугалими.

Эмгек жолу:

Соода-өнөр жай палатасынын Түндүк аймактары департаментинин жетекчиси;

2009-2010 – Ысык-Көл облусунун Ак-Суу райондук мамлекеттик администрациясынын башчысы;

2008-2009 – Ысык-Көл облусунун губернаторунун орун басары;

2007-2008 – Ысык-Көл облусунун губернаторунун орун басары – аппарат жетекчиси;

2005-2007 – Бишкек шаарынын Олимпиадалык даярдык борборунун Олимпиадалык резерв мектебинин инструктор-методисти;

2004-2005 – Бишкектин Октябрь райондук мамлекеттик администрациясынын башчысы;

2002-2004 – Бишкек шаарынын Герман Гмайнер атындагы SOS орто мектебинин директору;

1996-2002 – Бишкектеги № 69 мектеп-гимназиясынын директору;

1991-1996 – Бишкектеги № 36 орто мектебинин директору;

1989-1991 – Фрунзе шаарынын № 69 орто мектебинин директорунун орун басары.

1990-1995 – Бишкек шаарынын Биринчи май райондук кеңешинин депутаты болгон (эки жолку чакырылышта);

1999-2004 – Бишкек шаардык кеңешинин депутаты болгон.