«Кыздар, билим алгыла, турмушка чыгууга шашпагыла»

Билим берүү маселелери боюнча эксперт Асылбек Жоодонбеков «Маралга» берген маегинде кыздардын билим алуусунун маанилүүлүгүнө токтолду.

Анын айтымында, билим албаган кыздар экономикалык зордук-зомбулукка көп дуушар болот. Тагыраагы, билими жок кыздарда каржылык көз карандылык пайда болот.

«Кыздар, билим алгыла. Турмушка чыгууга шашпагыла. Эптеп турмушка чыгуу максат эмес. «Атасы жиндинин бирөө жинди, апасы жиндинин баары жинди» деген сөз бар. Андыктан кыздардын билим алуусу — аябай маанилүү», — дейт Жоодонбеков.