Бир суткада коронавирус 52 адамдан табылып, 52 бейтап айыкты

Кыргызстанда акыркы бир суткада коронавирус 52 адамдан табылып, 52 бейтап айыкты. Бул тууралуу Республикалык штабдан билдиришти.

Маалыматка ылайык, Бишкек шаарында – 26, Чүй облусунда – 16, Ош облусунда – 6, Ысык-Көл облусунда – 2, Баткен облусунда – 2 адамдан коронавирус табылып, 52 адам айыгып чыккан.

Сутка ичинде COVID-19 илдетинен каза болгон учур катталган жок.

Бүгүнкү күндө стационарларда 291 бейтап, амбулатордук түрдө 264 бейтап дарыланууда.

Медициналык кызматкерлер арасында коронавирус жуктуруп алган учурлар катталган жок. Пандемия башталгандан бери жалпы 4 миң 206 медицина кызматкери коронавирус жуктуруп алган, алардын ичинен 4 миң 195 медкызматкер айыгып чыккан.

Кыргызстанда пандемия башталгандан бери 86 миң 692 адам коронавирус жуктурган. Алардын ичинен 83 миң 718и айыгып чыкса, 1 миң 476 бейтап көз жумган.