Шайлоо: Мыйзам бузуулар боюнча 40ка жакын арыз түшкөн

Борбордук шайлоо комиссиясынын ыкчам аракеттенүү боюнча координациялык тобуна үгүт иштери учурунда мыйзам бузуулар боюнча 38 арыз келип түшкөн. Бул тууралуу Боршайкомдун жетекчиси Нуржан Шайлдабекова 5-январда өткөн комиссиянын отурумунда билдирди.

Алардын 24ү текшерилүүдө. Кылмыштардын жана жоруктардын бирдиктүү реестрине 5 материал катталган. БШК үч арыз боюнча чечим кабыл алган. Башкы прокуратурада 4 материал каралып жатат.

БШКнын ыкчам чара көрүү тобу шайлоо өнөктүгү учурунда болгон мыйзам бузууларды талкуулап жатат. Анда ИИМдин өкүлдөрү да маалымат берүүдө.