Трамп мындай чечимин долбоордо улуттук коопсуздук үчүн маанилүү чаралар каралбагандыгы, ошондой эле ал өлкөнү ички жана тышкы саясатта артыкчылыктуу кылууга далалаттанган өкмөттүн аракеттерине каршы келгендиги менен түшүндүрдү. «Бул – Кытай менен Орусияга белек кылганга тете», – деди ал.
Трамптын айтымында, интернет платформаларды колдонуучулардын жарыялаган контенти үчүн каралган юридикалык жоопкерчиликтен бошотуу тууралуу бөлүк да долбоордон алынышы керек.
1960-жылдан бери АКШнын коргоо жаатындагы жылдык бюджеттери тууралуу мыйзам долбоорлору президенттин ветосу жок эле кабыл алынып келген.
2021-жылга белгиленген бюджет Орусиянын «Түндүк агым-2» жана «Түрк агымы» сыяктуу куурлар аркылуу жаратылыш газын өткөрүү долбоорлоруна каршы чектөөлөрдү да күчөтөт.
