Бүгүн таң эрте өлкө аймагында жер титирөө болду

Бүгүн, 22-августта саат 05:24тө Ош облусунун аймагында жер титирөө болду. Сейсмология институтунун маалыматы боюнча, анын очогундагы күчү 4 баллга жеткен.

Жер титирөө Ош облусунун Чоң-Алай районунун Карамык, Кара-Тейит, Шибээ айылдарында 3 баллга, Эгин-Жай айылында 2,5 баллга чейин сезилди. Жабыркагандар жана кыйроолор катталган жок.