Президент жергиликтүү кеңештердин депутаттарынын статусу боюнча мыйзамга кол койду

Президент Сооронбай Жээнбеков «Жергиликтүү кеңештердин депутаттарынын статусу жөнүндөгү мыйзамына өзгөртүү киргизүү боюнча» мыйзамга кол койду.

Мыйзам Жогорку Кеңеш тарабынан 2020-жылдын 21-майында кабыл алынган.

Аталган мыйзамдын максаты — «Жергиликтүү өз алдынча башкаруу жөнүндө» мыйзам менен шайкеш келтирүү.

Кабыл алынган мыйзамга ылайык, депутаттык ыйгарым укуктарды мамлекеттик же муниципалдык билим берүү жана саламаттык сактоо мекемесинин жетекчиси кызматы менен айкалыштырууга болот.