Коронавируска чалдыккандар менен байланышкан 2364 адам обсервацияга алынды

Жалал-Абаддын Сузак районунда коронавирусту жуктургандар менен байланышкан 1630 адам аныкталды. Бул тууралуу коронавируска каршы күрөшүү боюнча Республикалык штаб кабарлады.

Маалыматка ылайык, илдетке чалдыккан адамдар менен байланышкан дагы 734 адам Ноокат районунда табылды. Алардын баары анализ тапшырып, учурда обсервацияга алынган.

Акыркы маалыматтарга ылайык, Кыргызстанда коронавирус илдетин жуктургандардын саны 12 ге жетти.

Алардын 8и Сузак (Жалал-Абад облусу), үчөө Ноокат (Ош облусу) жана бир жаран Баткен (Баткен облусу) райондорунда катталган.