Кыргызстандык эркин күрөшчү балбан Арсалан Будажапов Азия чемпиону болуп, алтын медаль утту.
Баш байге үчүн күрөштө ал индиялык Балиян Гаурав менен кармашып, 7:5 эсебинде утуп алды.
Ушул күндөрү Индиянын Нью-Дели шаарында өтүп жаткан биринчиликте 79 килограмм салмакта ат салышкан Арсалан чейрек финалдан баштап күрөшүп, казакстандык Галымжан Уссербаевди, жарым финалда ирандык Али Бахтияр Савадкухини жеңип, финалга жолдомо алган болчу.