Президент ЖМК жетекчилери менен жолугушат

Бүгүн, 2-ноябрда президент Сооронбай Жээнбеков массалык маалымат каражаттарынын жетекчилери менен жолугушат. Анда алдын ала маалыматтар боюнча, сүйлөшүү суроо-жооп иретинде, ачык-айкын болору айтылууда.

Президенттин маалымат кызматы билдиргендей, жолугушууга 45 адам чакырылган.

Президент Сооронбай Жээнбеков массалык маалымат каражаттарынын жетекчилери менен буга чейин да жолугушуп, баарлашкан. Ошондой эле бейөкмөт уюмдардын өкүлдөрү, донорлор, өкмөттүн жана парламенттин мурунку жетекчилери менен жолугушуу өткөргөн.