Биз менен байланышыңыз

«Kyoto Animation» студиясын өрттөө себеби айтылды

Дүйнө , Кыска кабар | 19 Июл 2019 | 93 | 0

Жапониянын Киото шаарындагы анимациялык студияны өрттөгөн адам кылган ишинин себебин ачыктады. Бул тууралуу  Kyodo агенттигине шилтеме жасап, ТАСС порталы жазды.

«Алар менин чыгармачылык идеямды уурдап алгандыктан, ушундай кадамга бардым», — деп түшүндүргөн.

18-июлда «Kyoto Animation» студиясында чыккан өрттөн 33 адам каза болду. Дагы 36 адам ар кандай жаракат алган. Өрт «Kyoto Animation» жайгашкан 3 кабаттуу имараттын баарын каптаган. Аны өчүрүүгө 30 топ тартылган. Өрт 5 саатта араң өчүрүлгөн.

«Kyoto Animation» жапон компаниясы 1981-жылы түзүлгөн. «KyoAni» деп кыскартылган анимациялык студия «K-On!», «Меланхолия Харухи Судзумии», «Кланнад» сыяктуу анимелери менен белгилүү.

 

Copyright © 2017 Maral FM