Маалыматка ылайык, Дембаев социалдык түйүндөрдө 6-июлда мыйзамсыз митинг уюштуруу чакырыктары жаңырып жатканын айткан. Ал бул аракеттерди коомдук тартипти жана коопсуздукту бузуу деп атаган.
Дембаев 6-июлда мыйзамсыз иш-аракеттер болсо, полиция чара көрөрүн эскертти.
Казакстанда экстремисттик деп таанылган «Казакстандын демократиялык тандоосу» уюмунун жетекчиси, бозгундагы саясатчы Мухтар Аблязов социалдык түйүндөр аркылуу 6-июль — борбор калаа Нур-Султандын жана Назарбаевдин туулган күнүндө казакстандыктарды митингге чыгууга үндөгөн.
Казакстанда президенттик шайлоого байланыштуу 9-10-июндагы митингдерге катышкан деген жүйө менен Нур-Султанда жана Алматыда болжол менен миңге чукул адам кармалган. Алардын айрымдары камалып, айрымдарына айып пул салынган.
