Биз менен байланышыңыз

Нарында зыяндуу чегирткелерге каршы химиялык иштер жүргүзүлүүдө

Кыска кабар | 9 Июн 2019 | 536 | 0

Нарын облусунун Ат-Башы районунда зыяндуу чегирткелерди изилдөө жана өсүмдүктөрдү коргоо департаментинин адистери тарабынан ыкчам топтор түзүлүп, чегирткеге каршы күрөшүү иштери жүрүп жатат. Бул тууралуу Айыл чарба, тамак-аш өнөр жайы жана мелиорация министрлигинин маалымат кызматы билдирди.

7-июнга карата химиялаштыруу жана өсүмдүктөрдү коргоо департаментинин 4 даана Toyota Hilux үлгүсүндөгү авто унаалары атайын жабдыкталып, ортонулган уу чачкычтары менен иштеп жатышат.

Бул техникалардын күнүмдүк өндүрүмдүүлүгү 200-400 га чейин жер аянтты түзөт. Учурда Нарын облусунда 11 305 га жер аянтка зыянкечтерге каршы химиялык заттарды чачуу пландалса, анын 2150 га аянтына химиялык заттар чачылып, зыянкечтер жок кылынды.

Copyright © 2017 Maral FM