11-июнда Кыргызстан-Кытай бизнес-форуму өтөт

Кытайдын төрагасы Си Цзиньпиндин Кыргызстанга боло турган расмий иш сапарынын алкагында 11-июнда Кыргызстан-Кытай бизнес-форуму өтөт. Бул тууралуу Инвестицияларды илгерилетүү жана коргоо боюнча агентигинин маалымат кызматы билдирди.

Форумда Кыргызстанга инвестиция кылуу мүмкүнчүлүктөрү жана активдүү инвестицияларды тартуу боюнча маалымат берилет.

Негизги максаты Кытайдын инвестициялык фонддору менен байланыш түзүп, эки тараптуу долбоорлорду ишке ашыруу болуп саналат.

Кыргызстан тарап форумда биргелешен долбоорлорду жана ишканаларды ачууга жана атамекендик өндүрүштү экспорттоого басым жасамакчы.