Ангела Меркелдин апасы дүйнөдөн өттү

Германиянын канцлери Ангелы Меркелдин апасы Херлинда Каснер (Herlind Kasner) кечээ 90 жашында каза болду. Мындай кабарды www.dw.com маалымат булагы жергиликтүү басылмаларга таянып жазып чыкты.

Федералдык Өкмөттүн башчысы бул маалыматты тастыктап, журналисттерден «канцлердин жеке чөйрөсүн жана үй-бүлөсүн урматтоону» өтүнгөн.

Герлинда Каснер 1928-жылы 8-июлда өз убагында Германиянын карамагында болуп, Данциг деп аталган Польшанын Гданьск шаарында туулган. Ал англис жана латын тилинен мугалим болгон.

Ал эми атасы Хорст Каснер (Horst Kasner) 2011-жылы каза болгон.