Өзбекстан Самара облусуна соода үйүн ачат

Өзбекстандын Орусиядагы элчилиги Намангандагы «Дилрабо СДА» компаниясы менен биргеликте Орусиянын Самара облусунда соода үйүн ачуу боюнча сүйлөшүүлөрдү жүргүзүп жатат. Соода үйү өз ишин 2020-жылы баштоону пландоодо. Бул тууралуу Өзбекстандын Кыргызстандагы элчилиги маалымдады.

Өзбекстандын кийимдерин Орусиянын базарларына алып чыгуу максатында түзүлгөн бул долбоор Өзбекстан менен Орусиянын ортосундагы 2018-жылдын октябрь айында өткөн аймактар аралык форумдагы макулдашуулардын негизинде ишке ашырылып жатат.

Добоордун жалпы суммасы 2 млн. долларды түзөт. Орусия тараптан өнөктөш катары «Самара Текстиль» компаниясы катышууда.