Ысык-Көлдө жолдун жээгине дааратканаларды куруу сунушталды

Ысык-Көлдөгү жолдун жээгине дааратканаларды жана жуунучу жайларды куруу керек. Мындай сунушту парламентте депутат Бактыбек Турусбеков билдирди.

Анын айтымында, жаңы туристтик сезонго аз калды, ал эми дааратканалар салына элек.

Депутат дааратканаларды май куючу жайлардын аймагына гана эмес башка жерлерге салууну сунуш кылды. Пансионаттардын ээлери бул милдетти моюндарына алып, жол жээкетерине даараткана салышы керек деп эсептейт.

«Ыңгайлуу даараткана салбагандарга лицензия бербей койсо болот», -деди ал.

Эске салсак, депутат Бактыбек Турусбеков аталган сунушту өткөн жылдын октябрь айында дагы көтөрүп чыккан.