Бензиндин арзандыгы боюнча Кыргызстан 23-орунда

Кыргызстан бензиндин арзандыгы боюнча дүйнөдө 23-орунда турат. Өлкөдө анын литри 0,67 доллардан сатылат. Бензин баасы боюнча өлкөлөрдүн рейтингин Global Petrol Prices (АКШ) журналы жарыялады.

Анда көрсөтүлгөндөй, бензиндин арзандыгы боюнча Кыргызстан АКШ менен Орусияны өттү. Аларда бензиндин бир литри 0,68 долларга барабар экени маалым.

2019-жылдын биринчи аптасынын жыйынтыгы боюнча 150 мамлекеттин ичинен эң арзан бензин Венесуелага таандык болду. Бул өлкөдө бир литр бензин 0,01 долларга барабар. Мындан сырткары Судан, Иран, Кувейт, Алжир жана Нигерия бензиндин баасы эң төмөн болгон өлкөлөрдүн катарында. Орто Азияда боюнча эң арзан бензин Түркмөнстанда экени маалым.

Ал эми бензиндин баасы Гонконгдо 2,04 доллар, Монакодо 1,98 доллар жана Норвегияда 1,85 долларга барабар болуп, дүйнөнүн эң кымбат өлкөлөрүнүн катарына киришти.