Ош шаарында терроризмге каршы жөө жүрүш өттү

Бүгүн, 23-ноябрда Ош шаарында терроризм жана экстремизмге каршы жөө жүрүш өттү. Бул тууралуу мэриянын маалымат кызматы билдирди.

Жүрүшкө Ош шаарынын вице-мэри Асылбек Топчубаев, мэриянын өкүлдөрү, шаардык кеңештин депутаттары, мекемелердин жана казыяттын кызматкерлери катышты. Ошондой эле жогорку окуу жайлардын мугалимдери, студенттер да болду.

Акцияга жалпысынан 9 миңге жакын адам катышты. Жүрүш шаар тургундарын террористик жана экстремистик идеологияларга берилип, кошулуп кетишинин алдын алууну көздөйт.