Тербишалиев: Президенттин ишине баа берүүгө 1 жыл аздык кылат

Бир дагы адам президент Сооронбай Жээнбековду мыйзамсыз иш жасады деп айта албайт. Себеби ал таза, так иштеген адам. Мындай пикирин Жогорку Кеңештин V чакырылышынны депутаты Данияр Тербишалиев “Марал” радиосуна берген маегинде билдирди.

Анын айтымында, Жээнбеков Жогорку Кеңештин бир канча чакырылыштарда депутат, бир катар мамлекеттик кызматтарда иштеп, 25 жылдан бери саясатта жүрүп, калыптанган.

«Президенттин ишине баа берүүгө бир жыл аздык кылат. Анын кандай иштегени 3-4-жылда билинет. Азыр коррупция менен күрөш жүрүп жатат. Ал тандалма болгон жок», — дейт Тербишалиев.