Абдил Сегизбаев 7 сааттан бери сурак берип жатат

Улуттук коопсуздук боюнча мамлекеттик комитеттин мурдагы төрагасы Абдил Сегизбаев 7 сааттан бери сурак берип жатат. Бул тууралуу Сегизбаевдин фейсбуктагы баракчасына жарыяланды.

Маалыматка караганда, Абдил Сегизбаев УКМКга 25-январь эртең мененки саат 10.00гө суракка чакырылган.

Башкы прокуратура Атайын кызматтын мурдагы төрагасы Абдил Сегизбаевге Чүй облусундагы жер мыйзамдарын бузууга байланышкан коррупциялык схема боюнча кылмыш ишин козгогон.