Өкмөттө аймактык реформа маселелери талкууланды

Министрлер кабинетинин төрагасынын орун басары Бакыт Төрөбаев административдик-аймактык реформа маселелери боюнча жумушчу кеңешме өткөрдү.

Өкмөттүн маалыматына караганда, 2026-жылга чейин өлкөнү өнүктүрүүнүн Улуттук программасына ылайык, административдик-аймактык түзүлүштүн жаңы моделин иштеп чыгуу боюнча иштер жүрүүдө.

Реформалар жергиликтүү өз алдынча башкаруу органдарынын потенциалын күчөтүүгө жана алардын ишинин натыйжалуулугун жогорулатууга багытталган.

Алтынбек Сулайманов: Өнүгүү болбосуна көзүм жетти

Президенттин басма сөз катчысы Эрбол Султанбаев сентябрь айында өлкө башчы Садыр Жапаровдун тапшырмасы менен административдик-аймактык реформа жүргүзүүгө даярдыктар башталганын айткан. 

Кийин ноярбдын башында «Садыр Жапаров менен Камчыбек Ташиевдин айылдары эле өнүгүүдө» деген кептер тарагандан кийин, буга жооп катары 2020-жылдын октябрынан тартып өлкө боюнча курулган объектилер боюнча маалымат тараткан.

Султанбаевдин айтуусуна караганда, 2020-жылдын октябрынан 2022-жылдын 1-октябрына чейин республикалык бюджеттин эсебинен 193 объектинин курулушу жана оңдоп-түзөө жумуштары 6 млрд 172,1 млн сомго бүткөрүлгөн.