Гүлнара Баатырова саламаттыкты сактоо министри болуп дайындалды

Гүлнара Баатырова саламаттыкты сактоо министри болуп дайындалды. Тийиштүү Жарлыкка президент Садыр Жапаров бүгүн, 9-сентябрда кол койду.

Буга чейин анын талапкерлигин Жогорку Кеңешт талкуулап, жактырган.

Гүлнара Баатырова 23-августтан тарта саламаттык сактоо министринин милдетин аткаруучу болуп иштей баштаган.

19-августта президенттин жарлыгы менен Алымкадыр Бейшеналиев саламаттыкты сактоо министри кызматынан бошотулган.

Гүлнара Баатырова Кыргыз мамлекеттик медицина институтун врач-дарылоочу кесибин аяктаган.

2001-2013-жылдары Ош облусунун Кара-Суу райондук Үй-бүлөлүк медицина борборунун директору, Саламаттык сактоо министрлигинин медициналык аккредитациялоо комиссиясынын төрайымы болуп иштеген.

Ошондой эле Борбордук шайлоо комиссиясынын мүчөсү да болгон.